Îro, sere sibehê polîsên Belçîkayê êrîs bir ser Rojtv, MMC, Radyoya Mezopotamya, û cihê Kongreya Netewa Kurdistanê. Di encama êrîsa wan de hejmarek siyasetvanê navdar ku di nav wan de birêz Remzî Kartal û Zubeyir Aydar jî hene û li Bakurê Kurdistanê xebatên polîtîk kirine, hatine girtin. Li gorî zaniyariya gihistiye navenda me, ji xebatkar û mêvanên Rojtv 15 kesên jî din di nava girtiyan de hene. Êrîsa polîsan bi firehî li dijî 25 komele û navendên ragihandinê yên Kurda li bajarên Bruksel, Anvers, Charleroi, Namur, Vervier û Denderleeuw ê pêk hatine û dezgehên Kurda xesar dîtine.
Em weke dezgeha CHAK ê êrîsa li dijî dezgehên Kurda û girtina rojnamevan, mêvanê televîzyonê û niwênerên Kurda li Belçîkayê, mehkûm dikin. Em êrîsa li dijî azadiya sîyasetkirinê, di heman demê de li dijî Gelê Kurd dibînin.
Em daxwaz dikin ku, bê sert û merc kesên hatine girtin, bêne berdan. Sînordanîna li ser media û ragihandinê bi dawî were. Divê lêborîn ji Gelê Kurd bê xwestin.
Kurdocide Watch- CHAK
Komîta Karger ya Navendî
4 Adar 2010
