| 68 kesayetên navdarên Komara Çek Dr.Yekta Uzunoglu li mala wî ziyaret kirin û bi navê gelê Çek têksta daxwaza leborina xwe xwend.
68 kesayetên navdarên Komara Çek di roja Cejna Dewletî de, di roja 89 saliya avakirina Komara Çekoslovakya de Dr.Yekta Uzunoglu li mala wî ziyaret kirin û bi navê gelê Çek têksta daxwaza leborina xwe xwend. Weke tê zanîn, sala 1994-ê Dr.Yekta Uzunoglu li ser ixbara ajanê polisên tirk û çekan Göksel Otan, ku dawî hat tesbit kirin ku navê wî yê rast Gürkan Gönen e, hat girtin û 2.5 sal di zindane de ma.Serokkomarê berê yê Komara Çek Vaclav Havel, ku li dinê wek navdartirîn kesayetiyê çekî tê naskirin, seroke parêzgehên Çek, Doc. Dr. Vaclav Mandak, Seroke Akademiya Zanyariya Komara Çek Prof. Dr. Pavel Martasek, ku bi doktror Yekta Uzunoglu re di dema xwendekarî de 5 salan di heman odê de mabû, artistê herî navdar ya sînema û şanoyê Vlasta Çramostova bi navê saziya artîstên çek, Dr. Libuse Silhanova seroka Komîta Helsinkî bi navê Komita Helsinkî, rojnemevan Markus Pape bi navê Qereçiyên Komara Çek, navdartirîn helbestvan Martin Jirous bi navê saziya helbestvanen çek, helbestvan Vaclav Danek cigere seroke PEN a Çek bi navê PEN a Çekê, dekanê Zaningeha Pilsen Dr. Věra Tydlitátová bi navê Cihuyên Komara Çek, Egon T. Lánský hemvelatiyê Çek û Swêdê, Cîgere Seroke Hikumeta salên ku Dr.Uzunoglu hatibû zîndan kirin bi navê endamên hikumeta wan salan, Senator Jaromír Stetina bi navê Senatoya Komara Çek, rojnemevanê navdar Jan Rejzek bi navê rojnemevanên Çek, navdartirîn filozofê komara Çekê Prof. Jan SOKOL ku 5 sal berê namzetê Serokomariyê bû, bi navê filozofen Çek, Sitranbêj Josef Pepa Nos bi navê sitranbêjan, serokê yekîtiya mamosteyan Tomáš Jurčík bi navê saziya xwe, nivîskar Jana Červenková bi navê yekîtiya nivîskaren Çek, keşeyê navdar ê protestant Jan Zeno Dus bi navê dera Protestanta, Prof. Fr. Janou bi navê saziya ÇARTA 77 ku di sala 1989 de şoreşa qadîfe pêk anîbû, Prof. Dr. Venek Silhan bi navê saziya aborînasên Komara Çek, Prof. Dr. Otakar Vojtěç, bi navê ulumdarên fizîkarê atomê, navdartirîn ulumdarê sosyolojiyê Prof. Dr. Jiřina Šiklová bi navê yekîtiya sosyologan, pirtirîn niviskarê efsanevî Mîlan Jungmann, ku di sala 1968 de serokê yekîtiya nivîskarên çek bû. ku serê xwe hemberî işgala Sowyetê rakiribû, keşeyê navdar a dêra Katolik Miloš Rejchrt bi navê Katolikan, serokê mezintirîn waqfa komara Çek Dr. Věra Roubalová, bi navê waqfên xêrxwaz, Dr. Jan Paynebi bi navê yekîtiya doktorên Çek, serokê saziya kameramanên Çek a efsanevî Stanislav Milota ku di sala 1968 de wek yekemîn kameraman işgala komara Çek ji alî Sowyet kişandibû, bi navê saziya xwe, Prof. Anna Kareninová, bi navê saziya wergerên çek, Prof. Dr. Viktor Žárský bi navê saziya kimyagerên Çek, resamê herî navdar Jiří Oves bi navê saziya xwe uhd.uhd. ji Dr.Yekta Uzunoglu lêborîna xwe xwestin, ji ber ku di dema ku ew trajedî hatibû serê Dr. Uzunoglu dengê xwe bilind nekirin, bo azadiya wî şer nekirin, hiştin ku ew trajedî di erdê gelê Çek de pêk be.Dîsa ew kes di nameya xwe de ku li mala Dr.Uzunoglu xwendin, serokomare îro Vaclav Klaus tawanber dikin ku di wê roja cejnê de, ew wek serokomar lêborinê ji Dr.Uzunoglu wek serokê dewletê nexwest. Nameya leborînê di temamiya çapa ÇekÜı de bû sernivîs û hate weşandin. 2 saet piştî weşandinê, serokomare Çekê bersivek fermî da.Bersiva Serokomar Vaclav Klaus ne tene kesayetıyên navdarê gelê Çek dan lê wusa ji bi rêke diplomatîk cigirê serokê Senatoyê ku dema xwe de serokwezîr û serokê Senatoyê bû, da û bi nameka vekirî leborîna xwe hem wek şexs û hem jî wek cîgirê Senatoyê ji Dr.Uzunoglu xwest.Di diroka Komara Çek de, ev cara yekemîn e ku gel bi vê cureyê dijî serokomarê xwe derdikeve û dibejin „ ger tu nekî em wek gel dikin, em vê bêedebiyê qebûl nakin, nahêlin ku navê gelê me wek celad were bîr anîne. |
|
